Taqdeer ka khel …

Taqdeer ka khel

Jaanti hoon main mera bhavishya tum nahin magar

Meri taqdeer se chup kar ek baar phir mere ho jao …

Share the Love!

Daastan-e-ishq

Daastan-e-ishq

Alag hui tujhse

Jaane kyon ye duriyaan hui

Pucha jo khuda se

Muskura ke bola

Pagli teri khata nahin

Is ishq ki dastaan maine likhi hi adhoori thi …

Share the Love!

Hazaaron Khwaahishein Aisi …

Hazaaron Khwaahishein Aisi

Is baat ka gilah hai, malaal nahi mujhe

Woh paas reh kar bhi jaan na paaya mujhe

Yeh mohabbat ki chaahat hi ajeeb hai 

Thokar kha kar bhi paana na sahi

Par khona bhi nahi hai use

Share the Love!

Kaisa ye Ishq Hai … Ajab sa Risk Hai

Kaisa ye Ishq Hai

Jude jab tere khwaab se
To jaage hum neend me
Ye kaisa tera ishq hai saajna
Tu haathon me to hai
Magar kyon nahin lakeer me

Share the Love!

Pyaar ke Saaton Din …

Pyaar ke Saaton Din

Teri Yaadein Kabhi Mujhe Chutti Nahin Deti
Unse Kaho Pyaar Ka Bhi Ek Shaniwaar Hona Chaiye …

Share the Love!

Tere jaane ke baad …

Tere jaane ke baad

Jaane kyon log kehte hai apno ke jaane pe gham hota hai
Hum to apne janaze se guzarti teri baraat me bhi naache hai …

(written on November 18th)

Share the Love!

Tanha tanha yaha pe jeena … ye koi baat hai …

Tanha tanha yaha pe jeena

 Jal gaya daaman jab aansuo se nikli aag
Dhul gaya kajal jab aansuo pe daali khaak
Khaufnaak hai ye akelapan jal chuke hai khwaab-o-khayaal
Baithi thi hui maayoos par tere aane ne kiya hairaan

Share the Love!

Ek paigaam, uske naam …

Ek paigaam, uske naam

Jaane ke baad mere puche to bata dena, paigaam chodh gaya hai uske naam koi
Jab who neend se jaage to bata dena, saari raat uske paas jaaga tha koi
Jab bhi need me haathon ko usne pakda, sharam se khud me simat gaya tha koi
Jab aayi koi muskaan uske hothon pe dheere se, khil khila ke muskura diya tha koi
Jab sarakta tha uske sar se takiyaa zara bhi, apni godh me sar rakh ke sulaata tha koi
Jab woh soya tha yun bekhabar ho, saari raat chaahat se nihaarta tha koi

Share the Love!

Imran’s Poetry – Zindagi Na Milegi Doobara

Imran

LOVED every word of each of Imran’s (Javed Akhtar’s poetry, recited by Farhan Akhtar) poem in Zindagi Na Milegi Doobara.  Read on for yourself to see why I’m so smitten!

1.                                                                                                    
Dilon me tum apni
Betaabiyan leke chal rahe ho
Toh zinda ho tum
Nazar me khwabon ki
Bijliyan leke chal rahe ho
Toh zinda ho tum
Hawa ke jhokon ke jaise
Aazad rehna seekho
Tum ek dariya ke jaise
Lehron me behna seekho
Har ek lamhe se tum milo
Khole apni baahein
Har ek pal ek naya samaa
Dekhein yeh nigaahein
Jo apni aankhon me
Hairaniyan leke chal rahe ho
Toh zinda ho tum
Dilon mein tum apni
Betaabiyan leke chal rahe ho
Toh zinda ho tum

 2.
Jab jab dard ka baadal chaaya
Jab gham ka saaya lehraaya
Jab aansoo palkon tak aaya
Jab yeh tanha dil ghabraaya
Humne dil ko ye samjhaaya
Dil aakhir tu kyon rota hai
Duniya mein yunhi hota hai
Yeh jo gehre sannate hai
Waqt ne sabko hi baante hai
Thoda gham hai sabka kissa
Thodi dhoop hai sabka hissa
Aankh teri bekaar hi nam hai
Har pal ek naya mausam hai
Kyun tu aise pal khota hai
Dil aakhir tu kyon rota hai

3.                                                                                                                              
Ek baat honton tak hai jo aayi nahi
Bas ankhon se hai jhaankti
Tumse kabhi mujhse kabhi
Kuch lafz hai woh maangti
Jinko pehanke honton tak aa jaaye woh
Aawaaz ki baahon mein baahein daale ithlaye who
Lekin jo ye ek baat hai
Ehsas hi ehsas hai
Khushboo si hai jaise hawa mein tairti
Khushboo jo be-aawaaz hai
Jiska pata tumko bhi hai
Jiski khabar mujhko bhi hai
Duniya se bhi chupta nahi
Yeh jaane kaisa raaz hai

4.
Pighle neelam sa behta hua yeh samaa
Neeli neeli si khamoshiyaan
Na kahi hai zameen
Na kahi aasmaan
Sarsaraati hui tehniyaan, pattiyan
Keh rahi hai ki bas ek tum ho yahan
Sirf main hoon meri saansein hain aur meri dhadkane
Aisi gehraiyaan
Aisi tanhaiyaan
Aur main sirf main
Apne honay pe mujhko yaqeen aa gaya
 

Share the Love!

Umeed pe duniya kaayam hai …

Muddat hui tujhe gaye par
Dil me mere nishaan abhi baaki hai

Utaari hai kashti kinaare par
In lehron mein toofan abhi baaki hai

Daaman tera chootaa par
Sar pe asmaan paon tale zameen abhi baaki hai

Ja chuke sabhi log khamosh hai basti par
Kahi kisi umeed pe tika hua makaan ek abhi baaki hai

Keh do saanso se gham ka rishta na jode
Teri raah dekti hoon isliye mujh me jaan abhi baaki hai …

Share the Love!
Prev Older Entries